الله معك...
في رِجّال شاف صبي زغير راكِع وحاطِط إيدَيه ع قلبو ومغَمِّض عيونو وعم يحكي.
شَدّو المَنظَر وقَرَّب يِسمَع شو عَم بيقول.
تفاجأ لمّا سِمعو عَم بيعِدّ أحرُف الأبجَدِيِّة.
سَألو : «شو عَم تَعمُل؟»
قال الصبي : «عَم صَلّي، والصلا حَكي مع الربّ وأكتَر مِن هَيك الربّ بيحِبّ إنّو الأولاد الزغار يصلّولو، وأنا مِش حافِظ ولا صلا.
كِنت عَم قِلّو أنا حافِظ الأبجديِّة تعَلَّمتها اليوم هَيك بقِلّو ايّاها».
الزوّادة بتذكِّرنا بِقَول الأمّ تريزا :
«الصلا بتكَبِّر القلب تَ يصير قادِر يساع الله اللي عطانا ذاتو».
الصلا إنّي حِبّ الربّ لدَرَجِة الإيمان التامّ إنّو هوّي بَيّي. والله معك.
المصدر : صوت المحبّة
