الله معك...


بيخَبّرو إنّو أحد المُهَرِّجين الكبار قَرَّر يدخُل عَ الدَّير.


تَرَك كِلّ شي وتِبِع الربّ.


لَمّا دَخَل عَ الدَّير شاف الكِلّ راكعين عَم بيصَلّو، كان يركَع بَسّ ما يَعرِف شو بَدّو يقول للربّ.


بيَوم مِن الإيّام لاقى الحَلّ لَمّا كِلُّن فَلّو مِن الكنيسِة، لِبِس تياب مهَرِّج وبَلَّش يِلعَب بالكنيسِة.


شافو أحد الرُهبان وراح خَبَّر الرَيِّس.


إجا الرَيِّس وسألو :


«شو عَم تَعمِل؟».


قَلّو :


«عَم صَلّي، هَيدي هيّي الطَريقَة يَللي بِقدَر قول فيها للربّ أنا بحِبَّك».




الزوّادة بتقلّي وبتقلَّك :


الصلا هيّي صَلا، المُهِمّ تكون نابعَة مِن قَلبنا وهَدَفها الوَحيد توصَل لَقَلب الربّ. والله معك.

 المصدر : صوت المحبّة